Tarxien Rainbows ħabbru li l-captain, Matthew Tabone, ġedded il-kuntratt tiegħu u se jkompli jmexxi t-tim għall-istaġun li ġej.
Dan se jkun it-12-il staġun ta’ Matthew ma’ Tarxien – vjaġġ notevoli li jgħid ħafna dwar il-lealtà, id-dedikazzjoni u l-imħabba tiegħu għall-klabb. Għal dawn l-aħħar 11-il sena, kien preżenza kostanti, kemm fl-aqwa mumenti tal-klabb u anke fl-aktar battalji diffiċli tiegħu.
Fi stqarrija, Tarxien Rainbows FC qalu li Matthew huwa aktar minn sempliċi plejer. Huwa l-qalb u r-ruħ ta’ Tarxien. Il-passjoni tiegħu kemm fil-grawnd kif ukoll barra minnu tagħmlu l-bandiera vera ta’ Tarxien.
