Il-goal brillanti ta’ Matthijs de Ligt fil-51 minuta ta rebħa 1-0 lil Bayern Munich fi Freiburg li żammhom fil-quċċata tal-Bundesliga.
Id-difensur Olandiż fajjar xutt fir-rokna ta’ fuq minn 25 metru minn pass ta’ Jamal Musiala.
Freiburg, li t-Tlieta li għadda eliminaw lil Bayern mit-Tazza Ġermaniża, kellhom ċansijiet kbar b’Ritsu Doan jolqot il-lasta u Yann Sommer jċaħħad lil Roland Sallai.
Borussia Dortmund baqgħu żewġ punti taħt il-leaders ta’ Thomas Tuchel wara rebħa 2-1 fuq Union Berlin, li jinsabu fit-tielet post.
Donyell Malen tefa’ lil Dortmund fil-vantaġġ b’Kevin Behrens iġib id-draw, qabel ma Youssoufa Moukoko, 18-il sena, ħareġ minn fuq il-bank biex skorja l-goal tar-rebħa.
Bayern rebħu l-aħħar 10 titli tal-Bundesliga u fi tmiem il-ġimgħa li għaddiet għelbu lil Dortmund 4-2 biex qabżu lir-rivali tagħhom fil-quċċata tal-klassifika.
