Mauricio Pochettino irid jibqa’ fit-tmexxija ta’ Paris Saint-Germain minkejja spekulazzjoni mifruxa dwar ix-xogħol ta’ Manchester United.
L-Arġentin mexxa lit-team tiegħu għall-kollass fiċ-Champions League għas-spejjeż ta’ Real Madrid fil-ġimgħat li għaddew iżda mistenni jikseb l-ewwel kampjonat tiegħu fl-ogħla diviżjoni Franċiża f’dan l-istaġun.
Madankollu, telfa kerha ta’ 3-0 kontra Monaco tefgħet il-futur tiegħu f’dubju ġdid, bl-ex manager ta’ Tottenham Hotspur qed jissemma’ li tabilħaqq jista’ jirritorna fil-Premier League ma’ Manchester United.
Madankollu, il-kuntratt ta’ Pochettino fil-Parc des Princes għandu jibqa’ għaddej sal-2023, u huwa mifhum li l-ewwel għażla tal-manager ta’ 50 sena hihja dik li jibqa’ Pariġi.
Pochettino se jkun lest biss li jibqa’ mal-Pariġini taħt ‘ċerti kundizzjonijiet’ mhux speċifikati, u għadu maħsub li hu miftuħ għal ritorn ma’ Tottenham Hotspur jekk Antonio Conte jitlaq lill-club.
Pochettino rebaħ Coupe de France waħda u t-Trophee des Champions ma’ PSG, u rebaħ 50, ġie draw 10 u tilef 15 mill-75 logħba tiegħu fit-tmexxija tal-Pariġini sa issa.