Fil-partita ta’ ħbiberija tal-bieraħ fit-Turkija bejn Lazio u Galatasaray, mirbuħa minn tal-ewwel bl-iskor ta’ 2-1 kien hemm speċi ta’ riunjoni bejn kowċ u plejer li fi żmienhom kienu ma’ Napoli fl-Italja. Fil-fatt il-kowċ preżenti ta’ Lazio Maurizio Sarri kellu diskursata mal-eks attakkant tiegħu Dries Mertens li llum il-ġurnata qed jilbes il-flokk ta’ Galatasaray.
It-tnejn li huma fakkru fil-mumenti meta kienu flimkien u awguraw kull suċċess possibli fil-karriera rispettivi tagħhom.
