Meta kien qed jitkellem f’intervista ma’ stazzjon televiżiv Arġentin, l-attakkant Mauro Icardi fisser kemm jinsab għal qalbu ma’ Galatasaray fit-Turkija. Hu qal li sab it-tieni dar tiegħu wara perjodi diffiċli ħafna ma’ Inter u Paris St Germain.
Icardi qal li Galatasaray jistmawh ħafna u hu jħoss responsabbilta’ kbira hu u jilbes il-flokk isfar u aħmar tal-klabb. Hu kkonferma li fl-istaġun li għadda se jkun qed jilgħab ma’ dan it-tim fejn jittama li jkompli jirbaħ aktar tazzi mhux biss fuq livell domestiku iżda wkoll internazzjonalment.
