Sa fl-aħħar intemmet it-telenovela li kien involut fiha l-attakkant internazzjonali Arġentin Mauro Icardi. Fil-fatt, intlaħaq ftehim bejnu u bejn il-klabb Tork Galatasaray sabiex jibqa’ jilgħab magħhom għas-sentejn li ġejjin.
Galatasaray se jkunu qed jiksbu s-servizzi ta’ dan l-eks plejer ta’ Sampdoria u Inter wara li fl-istaġun li għadda kien magħhom fuq bażi ta’ self. Hu tant mar tajjeb magħhom li skorja 22 gowl f’24 logħba u għalhekk il-kuntratt kien xi ħaġa naturali li jseħħ.