Is-sewwieq Olandiż tar-Red Bull, Max Verstappen, sar champion tal-Formula Wieħed għar-raba’ darba konsekuttiva u personali meta fil-Grand Prix tal-Istati Uniti, fiċ-ċirkwit ta’ Las Vegas, huwa temm quddiem ir-rival dirett tiegħu, il-Brittaniku Lando Norris (McLaren) biex issa ma jistax jintlaħaq meta fadal żewġ tiġrijiet għat-tmiem hekk kif għandu vantaġġ ta’ 57 punt u għaldaqstant ma jistax jintlaħaq.
It-tiġrija ntrebħet mill-Brittaniku, George Russell (Mercedes) meta rreġistra ħin ta’ 1:22:05.969. Huwa kien segwti mill-kompatrijott u kollega, Lewis Hamilton u ż-żewġ sewwieqa tal-Ferrari, l-Ispanjol Carlos Sainz u dak minn Monaco, Charles Leclerc … filwaqt li Verstappen u Norris temmew fil-ħames u fis-sitt pożizzjonijiet rispettivament.
Verstappen, 27 sena, wara t-tiġrija qal: “Xi staġun dan! “Kien ftit aktar diffiċli mill-istaġun li għadda, iżda flimkien mat-team tiegħi rnexxieli nirbaħ ir-raba’ wieħed tal-karriera tiegħi. Ma nistaqx nistaqsi għal aktar. Qed ngħix ħolma.”
Klassifika (ta’ fuq): 403 – Verstappen; 340 – Norris; 319 – Leclerc; 268 – Oscar Piastri; 259 – Sainz; 217 – Russell; 208 – Hamilton; 152 – Perez; 62 – Alonso.
