Ħamrun Bayern baqgħu għaddejjin mill-mument pożittiv tagħhom fil-kampjonat tas-sajf tal-MDA hekk kif kisbu l-ħames rebħa minn daqstant logħbiet wara li għelbu lil Birgu Boċċi Club 6-0 f’partita li huma ddominaw.
Minkejja li l-Ġirbin ippruvaw jidħlu fil-logħba, il-plejers Ħamruniżi dejjem kienu preċiżi fil-punti sabiex kisbu din ir-rebħa daqstant kbira.
Fit-tieni post ta’ grupp A telgħu Floriana MCP li din il-ġimgħa kienu impenjati darbtejn hekk kif rebħu 5-1 lil Leah’s Bar u spiċċaw fi draw ta’ 3-3 kontra Birgu Boċċi Club.
Mill-banda l-oħra, Fgura Maypole kisbu l-ewwel rebħa tat-turnament hekk kif għelbu lil PO’s Bar 5-1.
Fi grupp B, Team Fgura A baqgħu fl-ewwel post u matul din il-ġimgħa rreġistraw rebħa ta’ 5-1 kontra Duke’s Bar.
Finalment, Juventutis Domus kisbu t-tieni rebħa tat-turnament wara skor ta’ 4-2 kontra Top Gun Bar.
KLASSIFIKA – GRUPP A
Ħamrun Bayern 15, Floriana MCP, Birgu Boċċi Club 10, Fgura Maypole 4, PO’s Bar Gudja 3. Leah’s Bar 1,
KLASSIFIKA – GRUPP B
Team Fgura A 12, Floriana Premier CC, Juventutis Domus 6, Duke’s Bar, Top Gun 1.
