15 ta’ Frar 2023 – MeDirect, l-ewwel bank diġitali f’Malta, qed jappoġġja l-programm teatrali tal-2023 tas-Soċjetà Filarmonika La Stella f’Għawdex. Id-donazzjoni, li se tgħin biex jitwassal programm wiesa’ ta’ produzzjonijiet, ġiet ippreżentata lil Andrea Camilleri, Direttur tal-Musicals fit-Teatru Astra minn Amanda Dimech, Wealth Manager mill-fergħa ta’ MeDirect f’Għawdex.
Fost il-produzzjonijiet skedati għall-2023 hemm The Sound of Music, il-musical tant antiċipat, li se jsir fis-17, 18, 19 u 25 ta’ Marzu. Fost il-parteċipanti se jieħdlu sehem Jasmine Farrugia bħala Maria flimkien mal-idolu tal-West End Anthony Edridge bħala l-Kaptan Von Trapp.
Matul il-preżentazzjoni, is-Sa Dimech qalet: “MeDirect stabbilixxa preżenza fil-qalba ta’ Għawdex u aħna mpenjati li jkollna rwol attiv fil-ħajja kulturali u soċjali tal-gżira. Is-Soċjetà Filarmonika La Stella hija fost l-organizzazzjonijiet ewlenin fil-preżentazzjoni ta’ teatru u mużika ta’ klassi dinjija f’Għawdex u ninsabu fiduċjużi li l-appoġġ ta’ MeDirect se jkompli jsaħħaħ ix-xogħol tant siewi li twettaq is-Soċjetà.”
Is-Sur Camilleri qal: “L-2023 se tkun sena impenjattiva ħafna għat-Teatru Astra bi preparamenti għal The Sound of Music, l-istorja tant maħbuba tal-familja Von Trapp, li diġà mexjin sew. It-teatru jiddependi fuq l-appoġġ tal-benefatturi u d-donazzjonijiet korporattivi biex jopera, u aħna dejjem inkunu mħeġġa meta naraw kumpaniji bħal MeDirect jimxu ‘l quddiem biex jikkontribwixxu.”
It-Teatru Astra kien inawgurat fl-1968 u stabilixxa lilu nnifsu bħala wieħed miċ-ċentri kulturali ewlenin f’Għawdex. Sa mill-1978 it-Teatru kien kwaċi dejjem sinonimu ma’ produzzjonijiet annwali tal-Opra, filwaqt li jospità numru ta’ kantanti internazzjonali, plays u musicals.
Aktar informazzjoni fuq is-Soċjetà u l-musical tista ssibhom fuq https://www.lastella.com.mt/.
Il-biljetti għal The Sound of Music jistgħu jinxtraw minn https://www.showshappening.com/teatru-astra/The-Sound-of-Music.
