F’pajjiżna mill-bidu tas-sena 2022 sa Awwissu li għadda seħħu 16-il inċidenti tat-traffiku fatali mit-total ta’ inċidenti li ġew irreġistrati mal-Pulizija. Dan ħabbru l-Ministru għall-Intern, is-Sigurtà, ir-Riformi u l-Ugwaljanza, Byorn Camilleri.
Minn tagħrif li ta fil-parlament, il-Ministru Camilleri qal li t-total ta’ inċidenti f’dan il-perjodu kien ta’ 253 li minnhom 16 kienu fatali; 235 li sofrew ġrieħi, mentri żewġ inċidenti oħra jinsabu b’inkjesta pendenti biex jiġi determinat il-kawża tal-mewt wara l-inċident.
Għaldaqstant, il-medja tal-inċidenti tat-traffiku li rriżultaw fatali sax-xahar ta’ Awwissu 2022 kienet ta’ żewġ persuni fix-xahar.
