Melbourne City ġew inkurunati Champons tal-A-League fl-Awstralja għat-tielet staġun konsekuttiv, grazzi għat-telfa ta’ 1-0 ta’ Adelaide United kontra Western United.
Iċ-champions tal-istaġun 2020-21 u 2021-22 kellhom iċ-ċans li jtemmu fl-ewwel post kontra Central Coast Mariners is-Sibt, iżda l-inkurunazzjoni tagħhom ġiet ittardjata fi draw ta’ 1-1.
Dak id-draw ra lil Melbourne City jiftħu vantaġġ ta’ tmien punti fuq Adelaide, li kellhom bżonn rebħa kontra Western biex iżżomm it-tellieqa tar-rebħ tal-A-League ħajja, meta għad fadal żewġ logħbiet għat-tmiem tal-kampjonat.