Il-midfielder offensiv tal-Arġentina, Lionel Messi, ġie vvotat bħala l-aqwa player tat-Tazza tad-Dinja 2022 filwaqt li Kylian Mbappe rebaħ iż-Żarbun tad-Deheb.
Messi, ta’ 35 sena, mexxa lill-Arġentina għat-tielet titlu tagħhom ta’ din il-kompetizzjoni, meta skorja darbtejn fil-finali hekk kif għelbu lil Franza 4-2 bl-għoti tal-penalties wara draw ta’ 3-3.
Huwa wkoll l-ewwel plejer li rebaħ il-premju tal-Ballun tad-Deheb darbtejn minn meta ġie introdott fl-1982 wara li rebaħ ukoll danl-unur fl-2014.
Min-naħa tiegħu, Mbappe spiċċa l-aqwa skorer b’disa’ goals, grazzi għal hat-trick li skorjaw fil-finali.
Din kienet l-ewwel trippla f’finali tat-Tazza tad-Dinja mindu Sir Geoff Hurst għamel dan fl-1966, meta l-Ingilterra għelbu lill-Ġermanja tal-Punent bl-iskor ta’ 4-2 wara l-ħin barrani.
Mbappe, 23 sena, skorja darbtejn fil-ħin normali u goal fil-ħin barrani biex għaqqad il-hat-trick personali.
L-attakkant ta’ Paris St-Germain kiteb ukoll l-istorja meta sar l-ewwel player li skorja erba’ goals f’finali tat-Tazza tad-Dinja, wara li skorja wkoll fir-rebħa ta’ Franza fl-2018 fuq il-Kroazja.
Mbappe, li tella’ l-ammont totali tiegħu ta’ goals fit-Tazza tad-Dinja għal 12, sar l-iżgħar player li laħaq din iċ-ċifra doppja fil-kompetizzjoni.
Huwa fadallu erba’ goals biex jilħaq lill-Ġermaniż, Miroslav Klose, bħala l-aqwa skorer ta’ kull żmien tat-Tazza tad-Dinja li qed igawdi total ta’ 16-il goal.
Sadanittant, il-goalkeeper Arġentin, Emiliano Martinez, rebaħ l-Ingwanta tad-Deheb wara li l-wirjiet tiegħu għamlu l-aqwa wieħed f’dan it-tournament filwaqt li l-kompatrijott tiegħu, Enzo Fernandez, rebaħ l-unur tal-Aqwa Player Żagħżugħ.