“Meta taħseb li jerġa’ jtina ftit xita oħra biex inkompli niżra’ l-għalqa? Domanda minn diversi bdiewa. Bħalissa għadu imxarrab ħafna l-għelieqi u ma tkunx idea tajba li tmur b’xi tractor u wieħed ikompli jiżra’”.
Dan kien il-messaġġ li wassal Gordon Grech permezz tas-sit Aġġornament tat-Temp, wieħed mill-aqwa bassara tat-temp fil-gżejjer Maltin. Huwa spjega kif bħalissa u speċjalment għal din il-ġimgħa li ġejja ma jidhirx li hemm xita u li għalhekk ikun tajjeb li wieħed iħalli dan il-Majjistral jkompli jnixxef.
Grech qal ukoll li t-temp għal-lum it-Tnejn se jkun il-biċċa l-kbira xemxi li jissaħħab wara nofsinhar. Riħ forza 4 għal 5 Punent Majjistru. L-ogħla temperatura mistennija tkun 23°C u l-inqas 17°C.
