Quddiem l-Assemblea Ġenerali tal-MFA, li se ssir fil-15 ta’ dan ix-xahar, se jitressqu għadd ta’ proposti biex ikunu jistgħu jiġu applikati proċeduri aktar sempliċi mill-Korpi Ġudizzjarji tal-Assoċjazzjoni, bħall-Bord tal-Appelli, il-Korp imsejjaħ Dispute Resolution, u l-Bord tal-Protesti. Is-sottomissjonijiet quddiem dawn il-korpi indipendenti se jsiru onlajn biex jiffaċilitaw il-proċess għall-applikanti u titnaqqas il-probabbiltà ta’ żbalji proċedurali.
Il-Bord Eżekuttiv ġie ppreżentat ukoll bil-prinċipji ewlenin ta’ Politika ta’ Akkwist aġġornata għall-Assoċjazzjoni.
