MFPA saħħew posthom f’ras il-klassifika tal-Malta Veterans Premier League wara li għelbu lil Luxol St Andrew’s 13-5.
It-tim tal-Malta Football Players Association kien ferm tajjeb tul il-partita kollha bl-avversarji tagħhom li minkejja kollox kellhom xi plejers neqsin.
Alexander Ribic spikka għal MFPA meta skorja seba’ gowls filwaqt li Stanimir Miloskovic kien awtur ta’ poker. Jonathan Bondin u Emanuel Sevasta żiedu aktar gowls għat-tim rebbieħ.
Luxol skorjaw permezz ta’ tripletta ta’ Dylan Musu u żewġ gowls ta’ Karl Sacco.
Referee kien Jonathan Balzan.
Rabat Veterans kisbu l-ewwel tliet punti tal-istaġun wara rebħa ta’ 8-4 kontra ċ-champions Gżira United.
Ir-Rabtin kienu ferm motivati li jiksbu xi ħaġa minn din il-partita bil-Gżirjani li dehru xi ftit maħsuda bl-attakki veloċi tal-avversarji.
Andy Mangion skorja hat-trick għal Rabat b’Adam Wingfield u Adam Smeir li wettqu doppjetta. Pio Schiriha wettaq awtogowl.
Gżira kellhom lil Sebastian Nayar jiskorja żewġ gowls filwaqt li Kevin Sammut u Ian Zammit komplew inaqqsu l-iskor.
Referee kien Jonathan Balzan.