Minkejja l-appelli kontinwi kemm min-naħa tas-Supretendent tas-Saħħa Pubblika, mill-Ministru għas-Saħħa Chris Fearne kif ukoll tal-Prim Ministru Robert Abela biex ma jinxterdux xnigħat b’rabta mas-sitwazzjoni tal-Covid-19 f’pajjiżna, jidher li dawn waqgħu fuq widnejn torox.
Fl-aħħar sigħat xnigħat fuq il-midja soċjali bdew jallegaw li l-Professur Charmaine Gauci kienet irriżenjat mill-kariga tagħha minħabba nuqqas ta’ qbil fir-rilaxx ta’ restrizzjonijiet b’rabta mal-ftuħ ta’ stabbilimenti fost is-sitwazzjoni preżenti tal-Covid-19.
Intant kelliem għall-Ministeru tas-Saħħa li għamel kuntatt ma’ dan is-sit ċaħad dawn l-allegazzjonijiet u faħħar il-motivazzjoni tal-ħidma ta’ Charmaine Gauci li qiegħda taħdem kontinwament biex tgħin f’din is-sitwazzjoni tal-pandemija.
Il-Prim Ministru Robert Abela ma naqasx milli jirreaġixxi għal dawn ix-xnigħat u ddeskrivhom bħala Fake news fuq livelli li qatt ma dehru qabel li se jkomplu jsaħħu l-ħidma tal-awtoritajiet tas-saħħa.
The campaign mounted by a few against the Superintendent of Public Health has reached new levels with fake news implying her resignation. I am sure that petty rumours will only strengthen the sterling work by @CGauci1 towards our country's ??normality. – RA
— Robert Abela (@RobertAbela_MT) May 21, 2020
