Grillo daħal l-ewwel f’ħin ta’ 21.21 quddiem iż-żewġ atleti tal-Iżlanda Thorgrimsson u Gunnarsson.
Għal Malta din hi t-12-il midalja tad-deheb f’dan il-logħob.
F’aktar riżultati sa issa mill-Atletika s-sibt filgħodu u li fihom kienu involuti atleti maltin:
Fil-200m nisa, Thea Parnis Coleiro spiċċat fir-raba’ post b’ħin ta’ 24.68.
Fl-400m Hurdles irġiel, Jordan Pace spiċċa fis-sitt post.
Fl-10,000metru irġiel Luke Micallef Perconte spiċċa r-raba’ b’ħin ta’ 31:26.75 filwaqt li Dillon Cassar is-seba’ b’ħin ta’ 32:18.94.
Fit-Triple Jump tal-irġiel, Ian Paul Grech spiċċa r-raba’ b’qabża ta’ 14.52, 14-il ċentimetru bogħod mill-bronż. Min-naħa tiegħu James Armani l-ħames b’qabża ta’ 14.36.