Hekk kif bħalissa qed isiru l-International Island Games fi Guernsey, kompla s-suċċess għal Għawdex, meta David Borg kiseb it-tieni post u b’hekk rebaħ midalja tal-fidda fil-kategorija tal-5000m tal-atletika.
Dan wara aktar suċċessi li waslu mit-tiratur ewlieni Għawdxi, Marlon Attard, li jum qabel rebaħ l-ewwel deheb għal Għawdex, minkejja t-temp diffiċli li sab, kif ukoll midalja tal-fidda mirbuħa matul il-jum tat-Tnejn minn Lara Calleja fid-dixxiplina sporting tal-isparar.
Din hija l-ewwel darba li Għawdex qed tikkompeti f’dan il-Logħob prestiġjuż.
