It-Tlieta fil-għodu 25 ta’ Ottubru, il-maxi jott ta’ 30.48 metru/100 pied, Leopard 3 (Olanda), misjuq minn Chris Sherlock, qasam il-linja finali tal-43 edizzjoni tar- Rolex Middle Sea Race fl-10:54 am biex rebaħ il-Monohull Line Honours f’ħin ta’ 70 siegħa 34 minuta 8 sekondi.
Din hija t-tielet darba li Leopard 3 ipparteċipa fir-Rolex Middle Sea Race u t-tieni darba li kien l-ewwel monohull u spiċċa t-tellieqa u rebaħ l-RLR Trophy. L-okkażjoni preċedenti kienet fl-2009. Il-ħin ta’ Leopard huwa xi 30 siegħa barra r-rekord tat-tellieqa tal-monohull li hu ta’ 40 siegħa 17-il minuta 50 sekonda, stabbilit fl-2021 minn Comanche.
L-ekwipaġġ huwa kompost minn Chris Sherlock, Matt Lester, Curtis Blewett, Tom McWilliam, Will Best, Stefano Nava, Gian Ahluwalia, Guy Filabozzi, Michael Pammenter, Laura de Vere, Samuel Wright, Murray Goodsell, Richard Bouzaid, Joost Schultz, Tim Marsh, Dennis Frederikson, Giles de Jager, Ian Budgen, Steve Booth, Guilermo Altadill, Ronald Bunders, Mitch Booth u Gerald Mitchell.
