Il-manager ta’ Arsenal, Mikel Arteta, “jittama” li jara lil Nicolas Pepe jibqa’ fl-Emirates Stadium għal żmien twil.
L-ex attakkant ta’ Lille tħabat biex iħalli l-marka tiegħu fuq bażi konsistenti mill-wasla tiegħu ta’ £72m fis-sajf tal-2019 u beda biss ħames logħbiet tal-Premier League dan l-istaġun.
Pepe kien marbut ma’ tluq mill-club f’Jannar fl-aħħar minuta iżda fl-aħħar mill-aħħar baqa’ fit-Tramuntana ta’ Londra, fejn il-ftehim eżistenti tiegħu għandu jiskadi fi tmiem l-istaġun 2023-24.
Arteta jemmen li ra verżjoni “differenti” ta’ Pepe mill-kampanja tiegħu tat-Tazza tan-Nazzjonijiet tal-Afrika, madankollu, bil-player internazzjonali tal-Kosta tal-Avorju jirreġistra żewġ gowls u assist fit-tournament.
Meta mistoqsi jekk riedx li Pepe jibqa’ fl-Emirates Stadium mill-ġurnalisti, Arteta wieġeb: “Nispera li jagħmel hekk.”
“Imma nifhem li meta player ma jilgħabx ikun diżappuntat u Nico kien diżappuntat għax ried jilgħab iktar. Nisperaw li jista’ jilgħab ħafna aktar u jkun jista’ jagħti sehmu lit-team għax għandu l-ħila li jagħmel dan.”
Pepe rreġistra żewġ goals u ħames assists fi 12-il dehra dan l-istaġun, u b’hekk it-total tiegħu għall-Gunners kien ta’ 26 goal u 20 assist f’101 partita fil-kompetizzjonijiet kollha.
