Il-coach ta’ Arsenal Mikel Arteta xejjen kull spekulazzjoni li qed tgħid li hu jista’ jkun il-kowċ ta’ Paris St Germain. F’intervista li ħalla ma’ stazzjon televiżiv Spanjol, Arteta qal li jinsab ferm kuntent jaħdem fl-Emirates Stadium u sostna li għad fadal ħafna xogħol xi jsir.
Minkejja kollox, il-ġurnalist baqa’ jsaqsih jekk xi darba jikkunsidrax jingħaqad maċ-champions Franċiżi u hu sostna li forsi iktar jarah imur f’pajjiżu jmexxi xi tim kbir bħal Real Madrid jew Barcellona.
Arteta għandu 41 sena u ilu jmexxi lil Arsenal sa mis-sena 2019.
