Jidher li AC Milan se jkunu qed ifittxu attakkant ta’ esperjenza għall-istaġun li ġej u li eventwalment forsi ma jiswiex ħafna flus.
F’gazzetta prominenti Taljana ġie żvelat li d-diriġenti Rossoneri qed iħarsu lejn żewġ profili partikolari dak ta’ Marko Arnautovic ta’ Bologna u Alvaro Morata ta’ Atletico Madrid.
Forsi Arnautovic hu l-iktar plejer li wieħed jista’ jaffordja hekk kif jiswa €3 miljun biss filwaqt li wieħed irid jara s-sitwazzjoni ta’ Morata li għandu kuntratt mal-Colchoneros sas-sena 2024.
