Davide Calabria u Mike Maignan għollew it- trofew tas-Super Cup Taljana flimkien wara r-rebħa spettakolari tar-rimonta ta’ 3-2 tat-team fuq ir-rivali ġirien, Inter, f’Riyadh, is- Sawdi Arabja nhar it-Tnejn filgħaxija.
Din hija l-ewwel darba li Milan ġew inkurunati rebbieħa ta’ din il-kompetizzjoni f’disa’ snin, bl-aħħar darba tmur lur fl-2015-16.
Ir-Rossoneri kienu 2-0 minn taħt sa żewġ minuti mit-tieni taqsima wara goals ta’ Lautaro Martinez (45) u Mehdi Taremi (47), iżda Sergio Conceicao, fit-tieni logħba tiegħu biss fit-tmexxija tar-Rossoneri, ispira rimonta fit-tieni taqsima b’goals ta’ Theo Hernandez (52) , Christian Pulisic (80) u Tammy Abraham (93).
