L-iscouts ta’ Milan ilhom xhur isegwu lill-player tal-club Arġentin Racing Club, Carlos Alcaraz.
Il-midfielder Arġentin ta’ 19-il sena huwa fiżikament b’saħħtu u tattikament intelliġenti. Huwa wkoll magħruf għad-dribbling fin tiegħu kif ukoll l-intuwizzjoni naturali lejn ix-xibka avversarja. Huwa skorja sitt goals fi 30 partita.
Iċ-champions Taljani mistennija jagħmlu offerta fil-futur qrib hekk kif dan il-player qed jiġi segwit ukoll minn bosta clubs madwar l-Ewropa.
Il-kuntratt tiegħu ma’ Racing jintemm f’Ġunju 2026 u għaldaqstant qed jitolbu €18-il miljun għall-firma tiegħu.