Minn tal-anqas 68 priġunier mietu fi ġlied li żvolġa f’ħabs fl-Ekwador fejn aktar minn 100 priġunier mietu fi ġlied li żvolġa bejn gangs rivali f’Settembru li għadda.
Jidher li l-ġlied beda fil-belt ta’ Guayaquil il-Ġimgħa fil-faċilità penitenzjarja ta’ Litoral.
Il-Pulizija li ntalbu jintervjenu biex jikkontrollaw is-sitwazzjoni sabu fil-ħabs numru ta’ armi fosthom pistoli, splussiv u xfafar.
S’issa, din is-sena mietu mat-300 priġunier fil-pajjiż.
