Mill-inqas 68 immigrant tilfu ħajjithom hekk kif id-dgħajsa li kienu fuqha ‘l barra mill-kosta tal-Jemen inqalbet minħabba maltemp li kien hemm. Skont l-ewwel investigazzjonijiet jirriżulta li abbord id-dgħajsa kien hemm 157 persuna.
Il-Kap tal-Organizzazzjoni Internazzjonali tal-Immigranti waqt li kien qiegħed jitkellem mal-midja internazzjonali qal li 68 persuna tilfu ħajjithom, 12-il persuna ġew salvati, iżda l-oħrajn s’issa għadhom ma nstabux. Jidher li l-immigranti kienu kollha mill-Etijopja.