Bħalissa hemm bosta rapporti għaddejjin li hemm Sir Jim Radcliffe jrid jixtri l-club ta’ Manchester United fejn wiegħed li jimmodernizza Old Trafford kif ukoll fondi biex tissaħħaħ l-iskwadra.
Iżda s-sidien tal-club, l-aħwa Avram u Joel Glazer, ma jridux iċedu l-kontroll tal-club u lesti biex ibiegħu ishma żgħar.
Il-fatt li Radcliff ħabbar li jixtieq jixtri lir-Red Devils, l-ishma fil-Borża ta’ New York sparaw ‘il fuq bi15%, jiġifieri, £200 miljun, li marru fil-bwiet tal-Glazers.
Filwaqt li l-imperu ta’ Sir Radcliff jiswa £12-il biljun, il-Glazers qed isostnu li huma jċedu l-kontroll tal-club jekk xi ħadd joffri £5 biljuni … mill-bqija se jibqgħu hemm.
