Minn Cristian Muscat
Kif bdiet l-imħabba tiegħek lejn il-futbol?
L-imħabba tiegħi lejn il-futbol kienet minn dejjem. Ta’ etá żgħira ħafna minn dejem niġri bil-ballun.
Iddeskrivi l-esperjenza preżenti tiegħek ma’ Swieqi United FC.
Mas-Swieqi kienet esperjenza sabiħa avolja mort f’nofs l-istaġun, il-plejers u l-istaff għamluni nħossni milqugħ ħafna.
X’tikkummenta fuq l-andament tat-tim matul l-istaġun li għadda, fejn għal ftit ma ksibtux il-promozzjoni għall-Malta Premier?
Matul l-istaġun li għadda, kellna ftit nuqqas ta’ esperjenza avolja t-tim kien b’saħħtu tattikament u teknikament.
U fuq l-eks kowċ ta’ Swieqi United FC, Pablo Doffo?
Fuq il-kowċ Pablo Doffo m’għandi xejn ħazin xi ngħid. Naf kif jaħdem u naf kemm hu professjonali u jidħol fid-dettall fuq xogħlu. Ħdimt kemm-il darba miegħu.
Kif tqis il-livell taċ-Challenge League fil-preżent?
Il-livell taċ-Challenge League huwa għoli. Kull tim kapaċi jagħtik logħba.
U dak tal-grawnds fejn tilagħbu l-logħob kompetittiv tagħkom?
Il-grawnds li nilagħbu fihom huma tajbin peró dawk li nittrenjaw fihom għalija personali m’humiex ta’ livell ta’ Challenge League. Sfortunatament, is-sitwazzjoni hi dik li hi fuq il-grawnds li nittrenjaw fihom.
Kif qed tħares lejn il-futur tiegħek fil-futbol?
Fil-futur nispera li jkolli esperjenzi sbieħ iktar milli koroh!
Għaddi messaġġ finali lil min jixtieq jagħmel karriera ta’ suċċess fil-futbol.
Nixtieq ngħaddi messaġġ għal min jixtieq jagħmel karriera ta’ suċċess fil-futbol, biex kull ħin liberu li jkollhom jilagħbu bil-ballun. Jien meta kont iżgħar ħlief ballun ma kontx nara, immur fejn immur niġri bil-ballun!
