Wara li nhar it-Tlieta telgħu l-poloz tal-ewwel round ta’ kwalifikazzjoni tat-tliet kompetizzjonijiet Ewropej, l-għada l-Erbgħa saru magħrufa dawk tat-tieni round tal-Europa Conference League meta fihom jista’ jkun hemm involuti l-erba’ timijiet Maltin li huma Hamrun Spartans, Birkirkara, Gzira United u Balzan.
L-Ispartans jinsabu fiċ-Champions League fejn fl-ewwel round telgħu kontra Maccabi Haifa ta’ Iżrael u min jitlef minnhom jilgħab kontra Astana tal-Kazakhstan jew Dinamo Tbilisi ta’ Georgia fil-Conference League.
It-tliet timijiet l-oħra li jinsabu f’din il-kompetizzjoni telgħu kif ġej:
*Differdange (Lussemburgu) kontra NK Maribor (Slovenja) jew Birkirkara.
*Balzan jew Domzale (Slovenja) kontra Vaduz (Liechtenstein) jew Neman Grodno (Belarus).
*Gzira United jew Glentoran (Irlanda ta’ Fuq) kontra F91 Dudelange (Lussemburgu) jew St Patrick’s Athletic (Irlanda).
