Miraya Borg irnexxielha tikseb unur għal pajjiżna wara li bejn l-14 u s-16 ta’ Ottubru kienet qiegħda tirrapreżentana f’Mazara Del Vallo fit-Tramuntana ta’ Sqallija.
Fl-età ta’ 13-il sena, Borg irnexxielha toħroġ bl-unuri waqt il-kampjonat dinji tal-arti marzjali. It-tifla li tagħmel parti mit-tim Spartans Malta rnexxielha tikseb l-ewwel post b’wirja mill-aqwa b’taħlita ta’ daqqiet b’teknika liema bħala.
Dan l-unur huwa wieħed li jagħti kuraġġ lil tfal oħra biex isegwu l-passi tagħha fejn minkejja ċ-ċokon ta’ pajjiżna, irnexxielha titla fil-quċċata meta kkompetiet ma’ sportivi oħra minn pajjiżi ferm ikbar minn tagħna minn madwar id-dinja.
