Jorge Messi, li huwa missier is-super stilla, Lionel, iltaqa’ mal-president ta’ Barcelona, Joan Laporta
Ir-ritorn potenzjali fis-sajf li ġej ta’ Lionel Messi ma’ Barcelona għamel pass kruċjali ‘l quddiem.
L-internazzjonali Arġentin kien marbut b’mod qawwi ma’ ri-unjoni tal-ħolm ma’ La Blaugrana bil-kuntratt tiegħu f’Paris Saint-Germain jiskadi fl-aħħar ta’ Ġunju.
PSG iżommu l-għażla ta’ estensjoni ta’ 12-il xahar fuq Messi, iżda qed jingħad li l-club lest iħallih jitlaq, b’Messi allegatament ma jħossux stabbli f’Pariġi.
Madankollu, iċ-ċansijiet li jkunu jistgħu jistrutturaw ftehim, li jieħdu lura fil-Katalunja jibqgħu mħallta, b’Barcelona għadhom jissieltu taħt pressjoni finanzjarja kbira.
Skond rapporti f’ġurnal popolari Ingliż, missier Messi, li huwa wkoll l-aġent tiegħu, iltaqa’ mal-president Laporta, biex jibdew taħditiet preliminari.
Ma saret l-ebda offerta formali lill-player ta’ 35 sena, iżda huwa pass ewlieni fit-triq biex jintlaħaq ftehim potenzjali bejn iż-żewġ partijiet, b’Barcelona se jagħmlulu offerta fil-ġimgħat li ġejjin.
