Fis-sigħat li ġejjin, l-Isqof Anton Theuma mistenni jħabbar diversi tibdiliet fil-kapillani u Arċiprieti f’Għawdex u dan hekk kif hemm minnhom kienu talbu huma stess li jitneħħew wara li ilhom iservi snin twal.
Sorsi qrib dan is-sit qalulna li għalkemm hu tajjeb li wara numru ta’ snin l-Isqof ibiddel il-persuni li jmexxu l-Parroċċi tad-Djoċesi hemm tħassib dwar kif se jkun qiegħed isir dan it-tibdil fil-Parroċċa taż-Żebbuġ.
L-istess sorsi qalulna li Fr Michael Said li għal xi żmien kien kappillan il-Munxar issa se jinħatar Arċipriet iż-Żebbuġ filwaqt li dan preżenti, Dun Ġwann Sultana se jkun qiegħed jinħatar Viċi Arċipriet fl-istess Parroċċa. Fr Michael Said hu maħbub ferm l-aktar fost iż-żgħażagħ.
Persuni qrib sew il-Kurja ta’ Għawdex qalulna li ma jistgħux jifmhu kif l-Ispof Theuma ħaseb f’dan il-pjan hekk kif iddiskrivew li dan jista’ joħloq konflitt “hekk kif se jkun hemm żewġ arċiprieti fl-istess parroċċa. In-norma hija li meta Arċipriet jinteħħa mill-kariga jibda jservi x’post differenti minn fejn kien iservi.”
Tibdil ieħor se mistenni jsir hu fil-Parroċċa tal-Katidral fir-Rabat fejn Mons. Joseph Sultana se jkun qiegħed jitneħħa minn din il-parroċċa. Is-sorsi tagħna qalulna li Mons. Sultana kien ċar ħafna mal-Isqof Theuma li hu ma kienx lest ikompli bħala Aripriċiet tal-Katidral wara l-festa ta’ Santa Marija, liema talba ġiet aċċettata.
Jidher li fil-Katidral se jkun qiegħed jinħatar Fr Noel Saliba… qassis eżemplari mmens li għal snin twal mexxa l-Parroċċa taż-Żebbuġ u wara anke mexxa s-Seminarja Minuri ta’ Għawdex.
Tibdil ieħor fost l-oħrajn se jsir fil-Parroċċa ta’ Għajnsielem fejn hemm l-Arċipriet il-Kanonku Frankie Bajada kien ġie maħtur f’din il-kariga mill-Isoqf Nikol Cauchi. Mistenni wkoll tibdil fil-komunità tax-Xlendi u anke fit-tmexxija ta’ Ta’ Pinu li din tal-aħħar diġà kien tħabbar it-tibdil mill-istess Isqof fil-ġimgħat li għaddew.