Iż-żewġ persuni li jinsabu mixlija b’serq ta’ basktijiet u oġġetti oħra minn bajjiet f’Birżebbuġa mistennija jitressqu l-Qorti llum quddiem il-Maġistrat tal-Għassa Dr Gabriella Vella.
Mara ta’ 40 sena u raġel ta’ 44 sena ġew arrestati mill-Pulizija b’rabta ma’ dan il-każ u kienu qed jinżammu taħt arrest fil-Lock up tal-Pulizija fil-Furjana.
Dan wara li minn diversi tfittxijiet li saru mill-Pulizija, inkluż fir-residenza tal-arrestati, il-Pulizija sabu diversi oġġetti li allegatament ġew irrappurtati misruqa minn fuq il-bajjiet f’Birżebbuġa f’dawn l-aħħar ġimgħat, fosthom; numru ta’ mobiles, diversi kartieri, nuċċalijiet, portable speakers u dokumenti personali ta’ terzi persuni.
