Id-Deputat Prim Ministru u Ministru tas-Saħħa f’konferenza tal-aħbarijiet li kellu aktar kmieni spjega li issa li tlaqqmu l-persuni l-iżjed vulnerabbli fis-soċjetà kontra l-influwenza, inklużi t-tfal, minn nhar it-Tnejn il-programm tal-vaċċinazzjoni se jinfetaħ għall-pubbliku inġenerali.
Huwa fakkar li t-tilqima tal-influwenza qed tingħata bla ħlas miċ-ċentri tas-saħħa kollha madwar Malta u Għawdex u appella biex kulħadd jitlaqqam.
