MITTC Table Tennis Club għal darb’oħra se jkun qed jorganizza l-logħob ta’ kwalifikazzjoni tal-European Trophy bejn it-13 u l-15 ta’ Diċembru li ġej fil-Kulleġġ ta’ Santa Klara f’Pembroke.
Għal din l-attivita’ se jkun hemm timijiet internazzjonali fosthom mill-Greċja u l-Italja flimkien mal-parteċipazzjoni lokali ta’ HiTT Academy Tibhar.
Se jkun hemm logħob kemm mill-kategorija maskili kif ukoll dik femminili fejn it-timijiet parteċipanti huma MITTC, HiTT, Muravera, ASD Tennistavolo Sassari, ASD Tennistavolo Norbello, ASD Marcozzi, Quattromori u ċ-champions attwali Panathinaikos.
