Żagħżugħ ta’ 24 sena baqa’ jinżamm arrestat wara li ġie mixli li kkorrompa tifla ta’ 15-il sena.
Huwa ġie mixli li x-xahar li għadda, ftit ġimgħat qabel għalqet 16-il sena, ipparteċipa f’attivitajiet sesswali ma’ tfajla meqjusa vulnerabbli u li ssofri minn mard. Huwa kien akkużat ukoll li sar reċediv.
Fil-Qorti ħareġ li kienu l-ġenituri tat-tifla li rrapporta bl-allegat każ lill-pulizija. L-akkużat wieġeb mhux ħati tal-akkużi miġjuba kontra tiegħu u saret talba għall-ħelsien mill-arrest tiegħu.
Il-Qorti ċaħdet din it-talba minħabba biża’ ta’ intralċ ta’ provi, bl-imputat jibqa’ jinżamm taħt arrest preventiv.
