Żagħżugħ ta’ 29 sena residenti l-Gżira baqa’ jinżamm arrestat wara li fil-Qorti ġie mixli b’akkużi ta’ vjolenza domestika.
Quddiem il-Maġistrat Yana Micallef Stafrace huwa kien mixli li ħebb għall-eks sieħba tiegħu u li heddidha.
Il-Prosekuzzjoni qalet li l-imputat beda relazzjoni mal-allegat vittma f’Marzu li għadda, u kien xahar wara li t-tfajla kienet għamlet rapport lill-Pulizija.
Huwa wieġeb mhux ħati madankollu l-Maġistrat Micallef Stafrace ċaħditlu t-talba għall-ħelsien mill-arrest.
