Jesmond Cassar ta’ 47 sena nżamm arrestat wara li ġie mixli li ta n-nar vettura fl-Isla.
Quddiem il-Maġistrat Natasha Galea Sciberras, Cassar ġie mixli wkoll li kiser il-kundizzjonijiet imposti fuqu f’każ ieħor, li wkoll jinvolvi allegat ħruq ta’ vettura.
Il-Prosekuzzjoni spjegat fil-Qorti li waslet għall-imputat minn filmati tas-CCTV. Qalet ukoll li b’rabta ma’ dan il-każ diġà tressaq raġel ieħor il-Qorti.
Cassar wieġeb mhux ħati tal-akkużi miġjuba kontra tiegħu u nżamm arrestat wara li ma saret l-ebda talba għall-ħelsien mill-arrest tiegħu.
