Raġel li għandu 26 sena mill-Guinea nżamm arrestat wara li ġie mixli li weġġa’ ħafif żewġ kuntistabbli tal-Pulizija.
Il-każ seħħ lbieraħ meta żewġ kuntistabbli tal-Pulizija tal-Komunità sofrew ġrieħi ħfief waqt li kienu qed jivverifikaw id-dokumenti tar-raġel ġewwa Triq Santa Rita, il-Marsa.
Waqt li kienu fuq il-post, ir-raġel li rriżulta li kien mfittex ma bediex jobdi l-ordnijiet, prova jaħrab u weġġa’ lill-pulizija.
Huwa tressaq il-Qorti llum mill-Ispetturi Roderick Attard u Gabria Gatt. Ir-raġel wieġeb mhux ħati u nżamm arrestat.
