Mosta St Mary’s A rebħu r-Regional League tal-Blackball wara li fil-finali għelbu lil Birkirkara Youngsters 11-8.
Kif jindika l-iskor, kienet logħba ferm emozzjonanti fejn kien hemm bilanċ assolut sat-tielet sessjoni biż-żewġ naħat li jalternaw fil-vantaġġ tagħhom.
Mat-tmiem it-tielet sessjoni, il-Mostin kienu qed jirbħu 8-7 u komplew ikabbru l-vantaġġ għal 10-8 sakemm eventwalment rebħu l-aħħar frame u saru champions ta’ din id-diviżjoni.
Sadanittant għada tintlagħab il-finali tant mistennija mill-Premier League fejn Valletta Breakwater jiltaqgħu kontra Cospicua Rangers bil-logħba tintlagħab fis-7.30pm fil-Fuego Speakeasy f’Birkirkara.
