Il-Prim Ministru Robert Abela għamilha ċara li l-predeċessur tiegħu Joseph Muscat mhux jitħallas għall-pariri li qed jagħti lill-Gvern dwar kif Malta tista’ tirkupra ekonomikament mill-Covid19.
Kien id-deputat Nazzjonalista Ryan Callus li staqsih kemm qed jitħallas Muscat għall-konsulenza marbuta mal-irkupru ekonomika wara l-imxija.
Abela wieġbu li Muscat m’għandu ebda konsulenza u mhu jitħallas xejn imma qed iwettaq biss ħidma bħala deputat parlamentari tal-Gvern.
