Naby Keita sofra injury oħra lbieraħ kontra Brighton & Hove Albion wara li kien weġġa’ wkoll fil-partita kontra Manchester United fi tmiem il-ġimgħa li għaddiet.
Il-midfielder kellu jiġi sostitwit waqt ir-rebħa ta’ 5-0 kontra r-Red Devils, iżda seta’ jilgħab fi tmiem il-ġimgħa fl-aħħar konfront ta’ Liverpool fil-Premier League.
Filwaqt li tilef il-konfront ta’ nofs il-ġimgħa kontra Preston North End fl-EFL Cup, Keita beda l-logħba kontra Brighton aktar kmieni lbieraħ.
Madankollu, għat-tieni partita konsekuttiva, Keita kellu jiġi sostitwit minħabba injury, bl-istilla tar-Reds jiffaċċja problema fl-ewwel kwarta tal-partita.
Huwa spiċċa biex ġie sostitwit minn Alex Oxlade-Chamberlain li pprovda assist għall-goal ta’ Sadio Mane, iżda Liverpool ma rnexxilhomx iżommu mal-vantaġġ tagħhom ta’ żewġ goals hekk kif spiċċaw fi draw ta’ 2-2.