Hekk kif Napoli tilfu f’darhom bl-iskor ta’ 2-1 kontra Lazio fi tmiem il-ġimgħa li għaddiet, bosta kritiċi tal-futbol Taljan qed jgħidu li d-difensur internazzjonali Korean Kim Min-Jae qed jibda jinħass mhux ftit.
Fl-istaġun li għadda, dan il-plejer kien kolonna fid-difiża Partenopea li f’dawn l-aħħar partiti qed tidher wisq miftuħa u xi kultant mingħajr ideat. Wieħed issa jistenna d-dħul tal-akkwist il-ġdid Natan li s’issa għadu ma deherx f’dan il-bidu ta’ staġun.
L-istess kritiċi semmew kif l-ideat tal-eks kowċ Luciano Spalletti u dak preżenti Rudi Garcia huma ferm differenti minn xulxin bil-plejers li għadhom ma drawx sew is-sistema tal-kowċ Franċiż.
