Manchester United u Real Madrid se jkollhom iħallsu €100m jekk jixtiequ jiffirmaw lill-attakkant ta’ Napoli, Victor Osimhen, matul it-tieqa tat-trasferimenti ta’ dan is-sajf.
Il-player ta’ 23 sena kien f’forma impressjonanti għall-club Taljan tiegħu dan l-istaġun, fejn skorja 15-il goal u rreġistra erba’ assists f’25 dehra fil-kompetizzjonijiet kollha.
Il-futur ta’ Osimhen kien is-suġġett ta’ ħafna spekulazzjonijiet fl-aħħar ġimgħat, b’numru ta’ clubs maħsuba li huma ħerqana li jiffirmawh fis-suq tat-trasferimenti li ġej.
Manchester United u Real Madrid huma tnejn mit-timijiet li għandhom jiġu kkreditati b’interess, iżda Napoli jridu €100m għall-player internazzjonali tan-Niġerja.
Huwa mifhum li Tottenham Hotspur, Arsenal, Newcastle United u Liverpool huma ħerqana wkoll għall-akkwist potenzjali ta’ Osimhen, li għad fadallu aktar minn tliet snin fil-kuntratt attwali tiegħu.
In-Niġerjan skorja 25 goal u rreġistra seba’ assists f’55 dehra għal Napoli minn mindu ngħaqad mal-Partenopei mingħand Lille f’Settembru 2020.
Real Madrid huma maħsuba li jqisu lil Osimhen bħala alternattiva għal Erling Braut Haaland ta’ Borussia Dortmund, li għadu marbut kemm ma’ Manchester City kif ukoll ma’ Barcelona.
