Għadha ma ntemmitx b’suċċess il-laqgħa bejn Napoli u Sassuolo sabiex i Partenopei jakkwistaw is-servizzi ta’ Giacomo Raspadori. It-taħditiet bejn Aurelio de Laurentis u Giovanni Carnevali ma kinux għal kollox pożittivi hekk kif Sassuolo jixtiequ s-somma ta’ €40 miljun sabiex iħallu lill-plejer jitlaq.
Hekk kif jgħaddi tmiem il-ġimgħa, iż-żewġ partijiet se jerġgħu jiltaqgħu nhar it-Tnejn bit-tama li Napoli jakkwistaw lil Raspadori li hu meqjus bħala pedina importanti fl-iskema tattika li qed jipprepara l-coach Luciano Spalletti.