Il-Prim Ministru Robert Abela iddikjara li naqset bin-nofs iż-żieda fil-qgħad ikkaġuna mill-Covid19.
Huwa kien qed jirreaġixxi għall-aħħar ċifri tal-Uffiċċju Nazzjonali tal-Istatistika (NSO) dwar il-qgħad għax-xahar ta’ Awwissu li għadda. Abela nnota li dan kien it-tielet xahar konsekuttiv li fih naqas in-numru ta’ dawk ifittxu xogħol bir-rata tinżel minn 4.5% f’Mejju għal 4.1% f’Awwissu. L-istatistika turi li r-rata tal-qgħad matul ix-xahar li għadda kienet tvarja minn dik ta’ 3.8% fost l-irġiel għal 4.4% fost in-nisa.
F’dawk li għandhom bejn 15 u 24 sena r-rata laħqet id-9.5% mentri fost dawk li għandhom bejn 25 u 74 sena kienet ta’ 3.4%.
@NSOMALTA confirms third consecutive monthly fall in the #unemployment rate; down from 4.5% in May to 4.1% in #August; half of the COVID-19 increase has already been tackled. – RA
— Robert Abela (@RobertAbela_MT) September 28, 2020
