Il-president ta’ Paris St Germain Nasser Al-Khelaifi ċaħad kategorikament li ċ-champions Franċiżi huma interessati fl-attakkant veteran Portugiż Cristiano Ronaldo. Dan il-plejer ta’ 37 sena bħalissa hu free agent wara li spiċċa l-avventura b’togħma qarsa ma’ Manchester United.
Bħalissa Ronaldo jinsab il-Qatar fejn hu impenjat mat-tim nazzjonali Portugiż fit-tazza tad-dinja. Ġaladarba jispiċċa l-impenji tiegħu, hu jrid jara fejn se jilgħab għall-kumplament tal-istaġun.
Khelaifi qal li qatt m’avviċina lil Ronaldo anzi hu flimkien mad-diriġenti tiegħu qed jaħsbu sabiex jakkwistaw lil Jude Bellingham mingħand Borussia Dortmund.