“Kont il-karattru li vera jien fir-realtà”. Iddikjara dan Nate, l-ewwel kontestant maskili eliminat mill-avventura ta’ Love Island Malta ftit sigħat ilu.
Fuq il-profil tiegħu ta’ Facebook Nate kiteb li hu sodisfatt li waqt din l-avventura hu żamm il-karattru tiegħu kif fir-realtà hu.
Filwaqt li rringrazzja lil mijiet kbar ta’ persuni li bgħatulu messaġġi sbieħ qal li se jagħmel mezz li jirrispondi lil kulħadd.
Hu temm il-messaġġ tiegħu billi reġa’ rringrazzja lil dawk kollha li tawh appoġġ filwaqt li stqarr li permezz tagħhom kellu ġurnata ferm isbaħ.
