“Nemmen li, b’differenza ta’ dak li qal il-Kap tal-Oppożizzjoni, in-nisa għandhom ikunu hemm mhux għal xi eżerċizzju ta’ “tick the box” imma minħabba l-kompetenza tagħhom”
Dan iddikjaratu d-Deputata Laburista Ramona Attard, fejn awggurat lil kull min ingħata ħatra fil-PN u qalet li tittamali jikkontribwixxu biex issir politika ta’ sustanza, mingħajr attakki personali. Innutat ukoll li issa hemm mara fit-tmexxija tal-Partit li hija avukat bħali, konna flimkien il-kors tal-Liġi u hi attiva fil-volontarjat u fil-qasam ta’ drittijiet indaqs.
Attard qalet li; “Alex Borg qal li ħa din id-deċiżjoni wara laqgħa li kellu mal-Partit Laburista li fiha kienu kollha rġiel. Propju għax naf lil Sabine, ma nemminx fir-raġuni li ingħatat mill-Kap tal-Oppożizzjoni, qisu li dan kien xi eżerċizzju ta’ “tick the box” biex il-PN jidher bin-nisa madwar il-mejda, hija waħda ġusta, iżda ir-raġuni għandha tkun biss fuq il-bażi tal-kompetenza tal-mara li ntgħażlet”
B’referenza għal Partit Laburista, hija sosniet li l-partit dejjem emmen fil-kontribut tan-nisa. Il-Presidenti kollha ta’ Malta nisa ġew innominati minn Gvern Laburista. Żiedet tgħid li għall-ewwel darba għandna numru indaqs ta’ Membri tal-Ġudikatura nisa u rġiel, Avukat Ġenerali mara, u l-ewwel President mara tal-Partit Laburista – li kont hi stess u bosta ħatriet oħra.
Intant f’messaġġ ieħor separat, Attard qalet hekk; “Biex niċċara : jien għedt għax propju Dr Cabourdin hija kompetenti, Alex Borg qatt ma kelllu jiggustifika l-ħatra tagħha abbażi biex iżid n-nisa biss”
