Newcastle United jinsabu f’taħditiet biex jiffirmaw lill-midfielder ta’ Marseille, Boubacar Kamara.
Il-player ta’ 22 sena sar figura ewlenija għall-club Franċiż dan l-istaġun, fejn għamel 23 dehra fil-Ligue 1, skorja darba, filwaqt li deher ukoll ħames darbiet fl-Europa League.
Madankollu, il-kuntratt tiegħu se jiskadi meta jintemm l-istaġun, u rrifjuta l-għażla li jestendi dak il-ftehim, u fetaħ il-bieb għal trasferiment potenzjali fil-futur tiegħu.
Huwa mifhum li Newcastle fetħu taħditiet ma’ Marseille dwar il-possibbiltà li jiffirmaw lil Kamara fis-sajf, iżda qed jiffaċċjaw kompetizzjoni biex jiksbu l-firma tiegħu.
Hemm diversi clubs oħra interessati li jixtru lill-midfielder difensiv qabel l-istaġun li ġej, hekk kif Manchester United, West Ham United u Crystal Palace kollha qed iżommu ħarsithom mill-qrib fuq is-sitwazzjoni tiegħu.
Newcastle United se jerġgħu jkunu fl-azzjoni llum il-Ħamis meta jiffaċċjaw lil Southampton fil-Premier League.
